Ibilbide motza eta mendi martxa
- Distantzia: 13.3 Km
- Desnibel positiboa:640 m
- Irteera (helmuga): Lasterketa 09:30tan eta mendi martxa 8:30tan herriko plazatik
- Ibilbidearen gps-track-a ikusteko eta lortzeko aukera dago.
Perfila:
Mapa:
Deskribapena:
Lakuntzatik abiatuko gara, herria atzean utzi eta 500 metroko pista batek basoan sartuko gaitu, bidezidor batetik Aldaiara igotzeko. Basoan zehar, Atazarko igoera teknikoarekin bat egingo dugu, Arruazuko borda eskuinean utzi eta kilometro batean Guardetxera (1.035 m) iritsiko gara, bertan, lehen anoa puntua edukiko dugu. Ibilbide luzekoak Mugerdira doazen bitartean, guk Guardetxeko pista eskuinean utzita , pagadian barrena Larluzgainaraino (1103m) iritsiko gara, berriz ere ibilbide luzearekin bat egiteko.
Handik jaitsiera azkar bati ekingo diogu, bidezidor eder batek EtxaaltxetakoBigarren anoa puntura eramango gaitu. Igoera txiki bat eta gero Aranguneko gainera iritsiko gara, Lakuntza begi-bistan dugu jada. 500m-ko jaitsiera tekniko bat igaro eta gero, hariztian sartuko gara berriz ere, 2 kilometroz hegaz eramango gaituen bidezidorrean zehar. Azkenik, kilometro bat duen pista batek Lakuntzako kaleetara eramango gaitu ziztu bizian, helmugara.
| Datuak | |
|---|---|
| Distantzia |
13,3 km |
| Desnibel positiboa |
640 m |
| Desnibel metatua | 1.280 m |
| Altuera max. | 1.103 m |
| Kontrolak |
- |
| Hornimendu puntuak |
2 |
| Zailtasuna | Baxua |
| Gehienezko denbora | 04:00 ordu |